Merekege oraı Almatydan ushatyn halyqaralyq reıster sany artady
ASTANA. KAZINFORM — Áýe kompanııasy tanymal baǵyttar boıynsha qosymsha jıilikter engizedi jáne kóktemgi saıahat baǵdarlamasyn keńeıtedi. Bul týraly Air Astana kompanııasy málim etti.
— Naýryz merekesiniń qurmetine biz jolaýshylarymyzdy jaqyn jáne alys shetelderge reıster sanyn arttyrýymen qýantyp, neǵurlym kóbirek jolaýshylarǵa sapar shegý, jaqyndarymen kórisý nemese mereke kúnderin shetelde ótkizý múmkindigin usynǵymyz keledi. Jańa qosymsha reıster kesteni neǵurlym yńǵaıly jáne qoljetimdi etedi jáne qazaqstandyqtarǵa saıahattardy barynsha jaıly josparlaýǵa múmkindik beredi, — dep atap ótti Air Astana-nyń qarjy jónindegi bas atqarýshy dırektory/CEO-elect Ibragım Janlyel.
Naýryzda Almatydan birneshe halyqaralyq baǵyttar boıynsha reıster sany artty. Naýryz merekesi kezinde Almaty-Phýket baǵyty boıynsha qosymsha 9 reıs qosyldy. Budan basqa, Vetnamǵa Fýkýok aralyna reıster tar fıýzelıajdy ushaqtardan keń fıýzelıajdy Boeing 767 ushaǵyna aýystyryldy, bul oryndyqtar sanyn 35% -ǵa ulǵaıtýǵa múmkindik berdi.
Sondaı-aq basqa da tanymal baǵyttar boıynsha ushýlar sany kóbeıdi. Atap aıtqanda, naýryz aıynda Almaty-Delı baǵytynda 13 reıs qosyldy. Budan basqa, Almatydan Londonǵa, Malege, Ystambulǵa, Tbılısı men Tashkentke jıirek qatynaımyz. Ushý baǵdarlamasyn keńeıtý sáýir aıynda da jalǵasady.
4 reısten bastap Astana-Frankfýrt baǵyty boıynsha reıs birtindep aı sońyna deıin kún saıynǵy reıske deıin jetkiziledi. Almaty-Phýket jáne Almaty-Bangkok baǵytynda qosymsha jıilikter engizilýde. Bul rette Phýketke reıster Boeing 767 keń fıýzelıajdy ushaqtarynda oryndalady. Budan basqa, Almaty men Maldıv arasyndaǵy áýe qatynasy mamyr aıynyń sońyna deıin uzartylady. Reıster aptasyna tórt ret yńǵaıly Airbus A321LR ushaqtarynda oryndalady.
Merekeniń qurmetine sondaı-aq Qazaqsatnnyń ishinde áýe kompanııalar 160 qosymsha reıs oryndaıtyny habarlandy.
