Naýryz merekesinde oqýshylar bir mezgilde kúı tartady

ASTANA. KAZINFORM — 20 naýryz kúni saǵat 11:00–de Naýryz meıramyna oraı barlyq mektepte respýblıkalyq chellendj ótedi, dep habarlaıdy Oqý-aǵartý mınıstrligi.

Sharanyń maqsaty — óskeleń urpaqtyń boıynda rýhanı-adamgershilik qundylyqtaryn qalyptastyrý, patrıotızmdi nyǵaıtý, ulttyq mádenı murany saqtaý jáne balalar arasynda dombyra ónerin nasıhattaý.

— Dombyrashylar chellendji — bul balalar, jastar, pedagogter men ata-analardyń mýzykalyq sheberligin tanytatyn jáne búkil eldi dombyra únimen biriktiretin erekshe shara. Oǵan barlyq tilek bildirýshi qatysa alady. 2023 jyldan bastap chellendj barlyq bilim berý uıymdarynda uıymdastyrylyp keledi jáne ol mańyzdy mádenı oqıǵaǵa aınaldy. Chellendj «Birtutas tárbıe» baǵdarlamasy men «Naýryznama» is-sharalar jospary aıasynda uıymdastyrylady, — deıdi tárbıe jumysy jáne qosymsha bilim berý departamentiniń dırektory Erlan Qalmaqov. 

Aıta keteıik, Naýryz meıramyn merekeleý 14-23 naýryz aralyǵynda elimizdiń barlyq mektepterinde ótedi. Bul kúnderi taqyryptyq chellendjder, ekologııalyq aktsııalar jáne ulttyq oıyndar boıynsha jarystar uıymdastyrylady.

Osyǵan deıin Memleket basshysy Qasym-Jomart Toqaev Amal kúnimen quttyqtaǵanyn habarlaǵan edik.

Sonymen qatar Mańǵystaýdaǵy Otpan taýda «Birlik oty» jaǵylǵany belgili boldy.