Úsh kúnge sozylatyn Naýryz merekesinde kún jańbyrly bolady

ASTANA. KAZINFORM — Qazgıdromet sınoptıkteri 21-23 naýryz aralyǵyna arnalǵan úsh kúndik aýa raıy boljamyn jarııalady. 

Aldaǵy mereke kúnderi Qazaqstandaǵy aýa raıyn eki túrli barıkalyq alqap qalyptastyrady.

Elimizdiń batysy men soltústigine antıtsıklon áser etedi, negizinen jaýyn-shashynsyz aýa raıy saqtalady.

Túngi temperatýra 10-18 aıazǵa deıin tómendeıdi. Biraq kúndiz kún sáýlesi aýany jylytady jáne termometr baǵany nólden joǵarylaıdy.

Respýblıkanyń ortalyq, ońtústik jáne shyǵys aımaqtary tsıklonnyń yqpalynda bolady.

Sóıtip ylǵaldyń kóp mólsherimen shyǵys baǵytqa jyljıdy, osyǵan oraı jańbyr jaýady, keı ýaqytta qatty jańbyr, taýly aımaqtarda óte qatty jaýyn-shashyn jaýyp, jel kúsheıedi.

Respýblıka boıynsha tuman men kóktaıǵaq boljanady.