Naýryz merekesinde Qytaımen shekaradaǵy ótkizý pýnktteri jumys isteı me
ASTANA. KAZINFORM — Qytaımen shekaradaǵy avtomobıl ótkizý pýnktteri 2025 jyldyń 8 naýryz jáne 21-23 naýryz aralyǵynda jumys istemeıdi, dep habarlaıdy Memlekettik kirister komıteti.
— Memlekettik kirister komıteti, Qazaqstan Respýblıkasynda 2025 jylǵy 8 naýryz kúni «Halyqaralyq áıelder» jáne 21-23 naýryz aralyǵy «Naýryz meıramyn» merekeleýge baılanysty qazaqstan-qytaı shekarasyndaǵy avtomobıl ótkizý pýnkterinde tulǵalardy, kólik quraldary men júkterdi ótkizý júzege asyrylmaıtynyn habarlaıdy, — delingen vedomstvo taratqan aqparatta.
Komıtet málimetinshe, Qazaqstan-qytaı shekarasyndaǵy temirjol ótkizý pýnktteri shtattyq rejımde jumysyn jalǵastyrady.
— Tasymaldaýshylar men barlyq shekarany kesip ótýge nıet bildirýshilerdi engizilgen shekteýlerdi eskere otyryp, óz baǵyttaryn aldyn ala josparlaýdy suraımyz, — depe eskertti Memlekettik kirister komıteti.
Budan buryn HQKO-lar naýryz aıyndaǵy merekelerde qalaı jumys isteıtini aıtyldy.
