Naýryzda qaıda barýǵa bolady

ASTANA. KAZINFORM — Bıyl elimizdiń túkpir-túkpirinde Naýryz meıramy keń kólemde toılanyp, júzdegen mádenı is-shara ótedi. Bul týraly Týrızm jáne sport mınıstrligi habarlady. 

Ár óńirde ulttyq dástúrlerdi, mýzykany, gastronomııany jáne zamanaýı tehnologııalardy biriktirgen erekshe baǵdarlamalar ázirlengen.

Almaty

«Almaty — Naýryz qushaǵynda» gala-kontserti (21 naýryz, 11:00, Astana alańy) — «Dos-Muqasan» ansambli, Maıra Muhamedqyzy, KeshYou toby jáne basqa da ónerpazdardyń qatysýymen ótedi.
Juldyzdy Almaty (21-22 naýryz, 18:00, Astana alańy) — tanymal ánshiler qatysatyn keshki mýzykalyq festıval.
Nauryz Fest festıvali (21-25 naýryz, Abaı alańy) — VR-ınstallıatsııalarmen bezendirilgen ınteraktıvti kıiz úıler, Abaı Qunanbaıulyna arnalǵan kórme, qolóner jármeńkesi, sheberlik sabaqtary jáne keshki kontsertter.
«Túrki áleminiń mega juldyzdary» kontserti (22 naýryz, 20:00, Almaty Arena) — Sadraddin, Mustafa Sandal, Roza Zergerli, Burak Özçivit qatysady.
5000 adamnan quralǵan hor (22 naýryz, 9:30, Abaı dańǵyly) — Abaı ánderin oryndaıdy.
«Naýryz toıy — merekem» kitap jármeńkesi (21-25 naýryz, Arbat) — jazýshylarmen kezdesý, poezııalyq keshter.
Panfılov kóshesindegi kreatıvti festıval (21-22 naýryz) — VR-ekspırıenster, robot-daıashylar, art-ınstallıatsııalar.

Astana

Kóshpendiler órkenıeti festıvali (21-22 naýryz) — etnografııalyq rekonstrýktsııalar, kórmeler jáne aspazdyq sheberlik sabaqtary.
Ulttyq sport jarystary (21-23 naýryz) — qazaqsha kúres, asyq atý, gir kóterý jarystary.
Ortalyq alańdardaǵy merekelik kontsertter (21-22 naýryz) — otandyq estrada juldyzdary óner kórsetedi.

Túrkistan

«Túrkistan — túrki áleminiń rýhanı astanasy» týrıstik maýsymynyń ashylýy (19 naýryz) — merekelik sherý, kontsertter, tarıhı qoıylymdar.
«Kóne túrki dástúri» etnofestıvali (22 naýryz) — ulttyq oıyndar, qolóner sheberlik sabaqtary, salt-dástúrler.
Bekzat Sattarhanovty eske túsirýge arnalǵan XXIII halyqaralyq boks týrnıri (30 naýryz — 4 sáýir) — úzdik boksshylar qatysatyn bedeldi jarys.

Shymkent 

«DámDásTour» gastronomııalyq festıvali (30 naýryz, Ál-Farabı alańy) — palaý, káýap, samsa, naýryz-kóje ázirleý baıqaýy, «Qazaqstandaǵy eń úlken samsa» gastrorekordy.

Almaty oblysy

Ortalyq alań — 25 kıiz úı, salt-dástúrler, estrada juldyzdarynyń kontserti.
Qonaev kóshesi — qolóner jármeńkeleri, aspazdyq sheberlik sabaqtary.
Qalalyq saıabaq — asyq atý, qazaqsha kúres, fotozonalar.
Qydyr ata men 100 dombyrashynyń teatrlandyrylǵan sherýi (21 naýryz) — Nurǵısa Tilendıevtiń 100 jyldyǵyna arnalǵan aýqymdy mýzykalyq qoıylym.

Aıta ketelik astanada aýdandar boıynsha 21-22 naýryz kúnderi Naýryz meıramyna oraı qandaı is-sharalar ótetinin týraly jazǵan edik.