Naýryz merekesinde elordalyq aýrýhanalar táýlik boıy jumys isteıdi

ASTANA. KAZINFORM – Mereke kúnderi elordalyq emhanalar men aýrýhanalar ádettegideı jumys isteıdi. Bul týraly qala ákimdigi málim etti.

— Elordalyq aýrýhanalar qala turǵyndaryn táýlik boıy qabyldaıtyn bolady. Rezervtik mamandandyrylǵan palatalardy bólý arqyly jedel jáne shuǵyl medıtsınalyq kómek kórsetýge tolyq ázirlik qamtamasyz etildi, — dep habarlady Astana ákimdigi.

Alǵashqy medıtsınalyq-sanıtarlyq kómek uıymdarynda kezekshi dárigerler saǵat 8.00-den 18.00-ge deıin jumys isteıdi. Fıltr bólmeleri saǵat 8:00–den 20:00–ge deıin jumys isteıdi, qońyraýlar 8:00–den 16:00–ge deıin qabyldanady.

103 qyzmeti dıspetcherler men jedel járdem brıgadalarynyń úzdiksiz jumysyn jalǵastyrýda. Táýlik boıy habarlamalar men qońyraýlar qabyldanady.

Al, SQO dárigerleri bıyl bes kún demalatyn Naýryz meıramynda dastarqanǵa qoıylǵan mol taǵamnan ýlanýdyń aldyn alý joldaryn aıtty.