Naýryz merekesinde áýe kompanııalar 160 qosymsha reıs oryndaıdy

ASTANA. KAZINFORM — Naýryz aıyndaǵy merekelik kúnder qarsańynda Qazaqstannyń áýe kompanııalary ishki reıster sanyn kóbeıtip jatyr. Bul týraly Kólik mınıstrligi habarlady. 

Air Astana jáne FlyArystan 2026 jylǵy 16–29 naýryz aralyǵynda el ishindegi suranysqa ıe baǵyttar boıynsha 146 qosymsha reıs uıymdastyrady. Onyń 80-i Almaty — Astana baǵytyna tıesili.

Sonymen qatar, Almaty, Astana jáne Aqtaý qalalarynan Aqtóbe, Shymkent, Túrkistan, Qaraǵandy, Qostanaı, Semeı, Aqtaý, Atyraý, Óskemen jáne Oral qalalaryna qosymsha reıster josparlanǵan.

SCAT áýe kompanııasy óz kezeginde 19–21 naýryz aralyǵynda Almaty — Astana baǵyty boıynsha 5 reıs, sondaı-aq Shymkent — Aqtaý baǵyty boıynsha 1 reıs ashady. Sonymen qatar, 23–26 naýryz aralyǵynda Almaty — Astana baǵyty boıynsha taǵy 4 reıs, sondaı-aq Shymkent — Astana jáne Aqtaý — Astana baǵyttary boıynsha bir-birden reıs qosylady.

— Qosymsha reısterdiń ashylýy el ishinde qatynaýdy jeńildetip, azamattardyń mereke kúngi saparlaryn josparlaýyna múmkindik beredi.

Jolaýshylarǵa áýe kompanııalarynyń resmı saıttarynan qosymsha reıster týraly aqparatty aldyn ala tekserip, bıletterdi erterek rásimdeý usynylady, — delingen mınıstrlik habarlamasynda.

Aıta ketelik Naýryz merekesi qarsańynda «Shý – Taraz» baǵytynda qosymsha elektrli poıyz iske qosylady.