Naýryz merekesi qarsańynda Túrkistan qalasyna kelýshiler kóbeıdi
TÚRKІSTAN. KAZINFORM - Túrki áleminiń astanasy atanǵan kıeli shaharǵa 17-24 naýryz aralyǵynda keletin týrıster sany 20 myńnan asady dep josparlanyp otyr. 7 táýlikke negizdelgen aldyn ala málimetke súıensek, kıeli shahardaǵy qonaq úılerde qazir bos oryn joq.
Túrkistan qalasynda nómirlik qory 1240 bólme 59 ornalastyrý orny jumys isteıdi. Oǵan bir mezette 2671 adam ornalasady. Merekelik aptada Túrkistan qalasyndaǵy ornalastyrý oryndary 100 paıyz tolyp tur. ıAǵnı, qonaq úılerde bos oryn joq. Sondaı-aq, áýe reısteri de 85% tolǵan.
E-qonaq júıesiniń derekterine sáıkes bıylǵy 2 aıdyń qorytyndysy boıynsha óńirge 2 228 sheteldik týrıst kelgen. Atalǵan kórsetkishti ótken jyldyń sáıkes kezeńimen salystyrar bolsaq 4,7 ese artqanyn kóremiz. ıAǵnı, 2023 jyldyń 2 aıynda nebári 475 sheteldik qonaq bolǵan.
Jalpy, Túrkistanǵa kelgen týrıster eki kún boıy Naýryz merekesine arnalǵan dýmandy is-sharalardy tamashalaı alady.
Atap aıtar bolsaq, 21 naýryz kúni saǵat 12:00-18:00 aralyǵynda «Jeńis» saıabaǵynda «Nur jaýǵyzǵan áz- Naýryz» sharasy ótedi. Onda teatrlandyrylǵan qoıylymdar, merekelik kontsertter, sporttyq jarystar uıymdastyrylmaq. Keshki saǵat 19:30-da «Kongress Holl» kesheninde halyqaralyq «NAURYZ BIG FEST» festıvali ótedi dep josparlanyp otyr.
Túrkistan qalasynyń turǵyndary men qonaqtary 22 naýryzda saǵat 11:00-de «Kerýen saraı» kesheninde «Armysyń, áz-Naýryz!» atty merekelik saltanatty is-sharany tamashalaıdy. Onda teatrlandyrylǵan qoıylymdar, kontserttik baǵdarlamalar, qolóner sheberleri men sýretshiler kórmesi, ulttyq taǵamdar kórmesi, ulttyq sporttyq oıyndar saıysy uıymdastyrylady. Al keshki saǵat 19:30-da «Kerýen saraı» kesheninde merekelik Gala-kontsert ótedi. Budan bólek, 22-23 naýryz kúnderi Túrkistan mýzykalyq drama teatrynda «Bórte» spektakli sahnalanady.
