Naýryz merekesi qarsańynda qosymsha poıyzdar qatynaıdy
ASTANA. KAZINFORM — Naýryz meıramy qarsańynda Ulttyq tasymaldaýshy qala mańyndaǵy poıyzdarda 2177 qosymsha oryn usynady. Bul týraly «Jolaýshylar tasymaly» AQ baspasóz qyzmeti málim etti.
Naýryz meıramyn qarsańynda «Jolaýshylar tasymaly» AQ qosymsha elektrpoıyzdardy iske qosyp, birqatar poıyzdardyń quramyn ulǵaıtady.
Mereke kúnderi kelesi qosymsha qala mańyndaǵy poıyzdar qatynaıdy:
• 2026 jylǵy 20 jáne 21 naýryz – №7510 «Astana – Pavlodar» elektrpoıyzy;
• 2026 jylǵy 25 naýryz – №7509 «Pavlodar – Astana» elektrpoıyzy;
• 2026 jylǵy 25 naýryz – №6803/6804 «Astana – Atbasar» elektrpoıyzdary;
• 2026 jylǵy 25 naýryz – №887/888 «Nurly jol – Býrabaı kýrorty» elektrpoıyzy.
Sonymen qatar, 2026 jylǵy 20, 22 jáne 24 naýryz kúnderi №606/605 «Qaraǵandy – Balqash» jolaýshylar poıyzynyń quramyna eki qosymsha vagon (1 kýpe jáne 1 platskart) tirkeledi.
Nátıjesinde jolaýshylarǵa qosymsha 2177 oryn usynylady. Bul mereke kúnderi temirjol tasymalyna degen joǵary suranysty qamtamasyz etip, jolaýshylardyń saparyn barynsha jaıly uıymdastyrýǵa múmkindik beredi.
Al poıyzdan qalyp qoıǵan jaǵdaıda bılet qunyn qalaı qaıtaryp alýǵa bolatynyn myna siltemeden oqyńyz.
