Naýryz kóje daıyndaýǵa qansha qarjy kerek
Naýryz meıramynyń dastarqanynda mindetti túrde Naýryz kóje bolady. Kazinform agenttiginiń tilshisi ulttyq taǵamdy daıyndaýǵa qansha qarjy kerek ekenin bildi.
Naýryz kójege jeti túrli dám qosady. Bul – toqshylyq pen berekeniń, jańarýdyń belgisi. Elimizdiń ár óńiri ony ártúrli jolmen daıyndaıdy, qospasynda da ózgeshelik bar.
Máselen Qazaqstannyń soltústik bóliginde Naýryz kójeni sút etten daıyndaıdy. Soǵymnyń maıly bóliginiń dámi men ıisi erekshe bolady. Oǵan sút nemese aıran qosady.
Al elimizdiń ózge óńirlerinde meıiz, sábiz, burysh, jylqy etiniń ornyna sıyr etin asady. Sonymen birge salatyn dánderi de óńirlerge qaraı ózgerip otyrady. Arpa, bıdaı, kúrishpen qatar júgeri, keıde úrmeburshaq, kespe salady.
Tipti bir óńirdiń ózinde Naýryz kójeni birneshe jolmen daıyndaıdy. Ár áıeldiń óz úırengeni, bilgeni bar. Mańyzdysy – ulttyq taǵamǵa 7 túrli dám qosýy tıis.
Óńir men kójege qosatyn dám túrine qaraı baǵasy da ózgerip otyrady. Naýryz kóje daıyndaýǵa orta eseppen qansha qarjy jumsalady? Negizgi jeti dám tańdaldy:
Sý
Tuz
Jylqy eti (jas et jáne sút et)
Kúrish
Arpa
Aıran
Qurt
Qazaqstanda bul taǵamnyń baǵasy qansha?
Sonymen:
Jylqy etiniń kelisi – 3 900 teńge, súr et – 5 000-7 500 teńge (bir keli jylqy eti men 500 gr sút et alamyz)
Aırannyń 0,9 l – 470 tg
Kúrishtiń 800 gr baǵasy – 653-1300 tg (bizge shamamen 100 gr kerek jáne onyń baǵasy 81 tg)
Arpanyń 800 gr baǵasy – 396 tg (kójege 100 gramy kerek, baǵasy 50 tg)
Qurttyń kelisi – 5 000 teńge, sorpaǵa qosýǵa arnalǵan súzbeniń 500 gr – 1 500 teńge (250 gr súzbeni 750 teńgege alamyz)
Tuzdyń kelisi – 78 teńge (birneshe shymshym tuz salamyz).
Naýryz kójege qajetti jeti dámniń baǵasyn saralaǵan kezde orta eseppen 9 myń teńge shyqty.
Naýryz kójeni kórshilerine, dostaryna, qonaqqa usynady. Eger kóp adam dám tatsa, otbasy úshin jyl tabysty bolady degen túsinik bar.
Buǵan deıin súr et qosylǵan naýryz kóje qalaı daıyndalatyny týraly jazyldy. Petropavl turǵyny Alma Jaısanova ulttyq taǵamdy anasynan úırengen dástúr boıynsha 30 jyldan astam ýaqyt boıy ázirlep keledi.