Naýryz qarsańynda Ózbekstanda jalpyhalyqtyq hashar ótti
TAShKENT. KAZINFORM — 16-18 naýryz aralyǵynda Ózbekstan boıynsha «Abattandyrylǵan ári gúldengen mahalla — eldiń kelbeti» uranymen jalpyhalyqtyq senbilik (hashar) ótti, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
Hashar naýryz jáne qasıetti Ramazan aıyn laıyqty merekeleý maqsatynda ótizildi. Oǵan saı, eldiń barlyq óńirlerindegi mahallalardy, turǵyn úı alaptaryn, balalar alańdaryn abattandyrý jumysy uıymdastyryldy. Respýblıka boıynsha 9 myń mahallanyń aýmaǵynda 16 mıllıonnan astam jemis aǵashy men sándik ósimdikter otyrǵyzyldy.
Buǵan qosa, «ıAshıl Makon» (Jasyl aımaq) Ulttyq ekologııalyq jobasy aıasynda kógaldandyrý, salaýatty ómir saltyn nasıhattaý jáne halyqtyń sanıtarlyq-gıgıenalyq mádenıetin arttyrý boıynsha is-sharalar júrgizilip jatyr.
Eske sala keteıik, buǵan deıin Ózbekstan prezıdenti Naýryz merekesin jalpyhalyqtyq meıram mártebesinde atap ótýdi tapsyrǵan bolatyn. Bıylǵy merekeni ózbekstandyqtar «Senimen, Naýryz, álem nurlanady!» uranymen toılamaq.
