Naýryz bazary: elordadaǵy jármeńkege ekinshi kúni 42 myń adam keldi
ASTANA. KAZINFORM - «Naýryz bazary» jármeńkesi jumysynyń ekinshi kúni EKSPO halyqaralyq kórme ortalyǵyna 42 myń adam keldi, dep habarlaıdy elorda ákimdiginiń resmı saıty.
Esterińizge sala keteıik, Qazaqstan astanasyna zergerler, qysh sheberleri, keramıka, tas jáne t.b. mamandary, sol sııaqty kilem toqý boıynsha sarapshylar, Túrkııa, Iran, Ázerbaıjan, Ózbekstan, Tájikstan, Túrikmenstan, Qyrǵyzstan elderinen halyq mýzykalyq aspaptaryn jasaýshylar jınaldy.
«Naýryz bazary» jármeńkesine qatysýshylar etnostıldegi kıim toptamalarynyń, zergerlik buıymdardyń, keramıka, metall, kıiz jáne jibekten jasalǵan zattardy, kádesyılardy usyndy.
Elimizdiń óńirlerinen kelgen fermerler azyq-túlik jármeńkesine 200 tonnadan astam ónim, onyń ishinde et jáne sút ónimderi, kókónister men jemister, bal jáne t.b. ákeldi.
«Naýryz bazary» aıasynda shyǵys taǵamdary festıvali ótip jatyr, onda astanalyqtar men qonaqtar naýryz kóje, palaý, baýyrsaq jáne basqa da ulttyq merekelik taǵamdardan dám tatty.
22 naýryzda jármeńke barysynda elorda turǵyndary men qonaqtaryna arnap 1,7 tonnadan astam palaý jáne 500 lıtrden astam naýryz kóje daıyndaldy.
Jármeńke 23 naýryz kúni saǵat 09:00-den 18:00-ge deıin ótedi.
