«Naýryz» baǵdarlamasy: Qazaqstandyqtarǵa qoljetimdi turǵyn úı
ASTANA. KAZINFORM — Otbasy bank 2025 jyly da «Naýryz» baǵdarlamasyn júzege asyryp, Qazaqstandyqtarǵa qoljetimdi turǵyn úı alý múmkindigin usynady.
Baǵdarlama Prezıdenttiń tapsyrmasy boıynsha júzege asyrylyp keledi. Eki jyl aralyǵynda 15 myń adam baspanaly bolyp qonystoıyn toılady. Búginde «Naýryz» qazaqstandyqtardyń súıikti baǵdarlamasyna arnalǵan.
Baǵdarlamaǵa qatysý úshin Otbasy bankte depozıttiń bolýy resmı tabys jáne sońǵy bes jylda qatysýshynyń jáne otbasy músheleriniń atynda turǵyn úıdiń bolmaýy jetkilikti. Ótinishterdi qaraý avtomatty ball júıesi boıynsha júrgiziledi. Astana men Almatydaǵy turǵyn úıge zaem kólemi — 36 mln teńgege deıin, basqa óńirlerde — 30 mln teńgege deıin.
Bıylǵy baǵdarlamanyń ereksheligi
Otbasy bank jyl saıyn «Naýryz» baǵdarlamasyn iske asyryp keledi. Ótken jyly baǵdarlama eki kezeńde júzege asyp, 6 791 qaryz berildi. 2025 jyly baǵdarlama burynǵy sharttarymen jalǵasady, alaıda ótinish berý protsesi Baspana market portalyna (otbasybank.kz) aýystyryldy. Osy jyly ekinshi ret ótinim qabyldaý júrip jatyr.
Ótinimderdi qabyldaý 2025 jyldyń 1 jeltoqsanyna deıin júrgiziledi.
Baǵdarlamaǵa ótinish berý úshin
•Otbasy bankte depozıttiń bolýy (merzimine qaramastan)
•Depozıt somasy keminde 2 mln teńge
•Sońǵy 5 jylda ıelikte nemese otbasy múshelerinde turǵyn úıdiń bolmaýy
•Sońǵy 6 aıda resmı tabystyń bolýy
Ótinishter avtomatty ball júıesi boıynsha qaralady. Ball esepteý kelesi krıterııler boıynsha júrgiziledi:
•HÁOT mártebesi — 10 ball
•Balalardyń bolýy — 10 ball
•Tirkelgen nekesi — 5 ball
•Jasy 35-ke deıin — 5 ball
•TÚJJ depozıttegi syıaqy — 1 ball árbir 1 000 teńge
Baǵdarlama aıasynda turǵyn úı satyp alý úshin
•Taza árleýdegi naryqtaǵy turǵyn úıge bastapqy jarna — 10%
• Taza emech árleýdegi nemese qurylys satysynda — 20%
•Áleýmettik osal toptarǵa paıyzdyq mólsherleme — 7% (JTSM 7,1–9,6%)
•Barlyq qatysýshylarǵa paıyzdyq mólsherleme — 9% (JTSM 9,4–13%)
•Nesıe merzimi — 19 jylǵa deıin
Qaryz kólemi jáne qosymsha múmkindikter
•Astana men Almaty — 36 mln teńgege deıin
•Basqa aımaqtar — 30 mln teńgege deıin
•Bastapqy naryqtaǵy turǵyn úıge qosymsha jóndeý jumystaryna qaryz — negizgi zaem somasynyń 20%-yna deıin
Qoljetimdilik jáne óńirlik erekshelikter
Baǵdarlama barlyq óńirlerde qoljetimdi. Megapolıstermen oblys ortalyqtarynda tek bastapqy naryqtaǵy turǵyn úı usynylady, al monoqalalar men aýyldyq jerlerde ekinshi naryqtaǵy turǵyn úı de qarastyrylady.
Ortasha zaem jáne qala tańdaýy
Qatysýshylardyń tańdaýy boıynsha, ortasha nesıe kólemi shamamen 26 mln teńge, al kóbine ótinish berýshiler Astanadaǵy turǵyn úıdi tańdaıdy.
Nátıjeleri:
•2024 jyly — 7 995 qaryz berildi
•2025 jyly — 5 042 adam óz úıine ıe boldy, onyń ishinde 833 áleýmettik osal toptan
•«Naýryz jumysker» baǵyty boıynsha — 2 103 adam jańa úı aldy
Baǵdarlamanyń qatysýshysy Galına Bektemısova óz tájirıbesin bólisti:
— Ball júıesi ádil, bári ashyq. Qujattardy jınaý qıyndyqtary boldy, biraq menedjer kómektesti. Naryqtyq baǵamen salystyrǵanda, baǵa áldeqaıda tıimdi boldy, — deıdi ol.
Aıta keteıik, buǵan deıin Otbasy bank «Naýryz» baǵdarlamasy boıynsha kredıt berý úshin KASE-den 102,7 mlrd teńge tartqany jaıly jazǵan edik.