Air Astana naýryzdyń sońyna deıin Dýbaıǵa reısterdi toqtatady
ASTANA. KAZINFORM – Taıaý Shyǵystaǵy shıelenisti jaǵdaıǵa baılanysty Air Astana áýe kompanııasy 11-31 naýryz aralyǵynda Almatydan Dýbaıǵa jáne Astanadan Dýbaıǵa turaqty reısterdi toqtatady.
Toqtatylǵan reısterdiń jolaýshylaryna aıyppulsyz tolyq qaıtarý nemese 1 sáýirden 31 mamyrdy qosa alǵandaǵy kezeńde oryndalatyn reısterge tegin qaıta brondaý usynylady.
Áýe kompanııa Taıaý Shyǵystaǵy oqıǵalardy muqııat qadaǵalaýdy jalǵastyryp otyr.
— Baılanys úshin brondaý jáne aqparat ortalyǵy (24/7): help.airastana.com nemese +7 727 244 4477 +7 7172 584477 +7 702 702 4477 WhatsApp: +7 702 702 00 74 nómirlerine habarlasýǵa bolady, — delingen habarlamada.
Aıta ketelik búgin aýa raıynyń qolaısyzdyǵyna baılanysty Astana áýejaıynan Almaty, Qostanaı jáne basqa qalalarǵa ushatyn 20 reıs keıinge shegerilgen edi.