Naýryz aıynda 170 myń avtokólik esepke alyndy
ASTANA. KAZINFORM – 2026 jylǵy naýryzda esepke 170 myń birlik avtokólik quraly qoıyldy. Ótken aıda qaıta tirkeýden ótken avtomobılderdiń 63%-y shyqqan jyly 10 jyldan asqan, al 3 jyldan aspaǵan avtomobılderdiń úlesi – 24%. Bul týraly Ulttyq statıstıka bıýrosy habarlady.
2026 jylǵy 1 sáýirdegi jaǵdaı boıynsha Qazaqstanda tirkelgen avtokólik quraldarynyń sany 5 955,8 myń birlikti qurady, onyń 83,9% – jeńil avtomobılder, 8,2% – júk kólikteri, 4,4% – tirkemeler, 1,5% – avtobýstar, mototsıklder – 1,2% jáne 0,8% – ózgeleri.
Paıdalanylatyn otyn túri boıynsha kóliktiń 80% benzınmen júredi, aralas otyn esebinen qozǵalatyn kóliktiń úlesi – 6,6%, dızel otynymen-7,6%, gaz ballony ornatylǵandar úlesi – 0,4%, taǵy 31 100 kólik elektr qýaty esebinen qozǵalady jáne avtomobılderdiń jalpy sanynyń 0,5% quraıdy.
Sonymen qatar tirkelgen kóliktiń basym bóliginiń (35,6%) qozǵaltqysh kólemi 1 500-2 000 tekshe sm, qozǵaltqysh kólemi 1 500 tekshe sm deıingilerdiń úlesi – 25,3%, 2 000-2 500 tekshe sm – 14,7%, 2 500-4 000 tekshe sm – 12,8%, qozǵaltqysh kólemi 4 000 tekshe sm asatyn kólik úlesi – 8,6%.
Óńirler bólinisinde tirkelgen avtomobılder sany boıynsha Almaty qalasy – 723,5 myń birlik, Almaty oblysy – 642,7 myń birlik jáne Astana qalasy – 452,1 myń birlik kósh bastap tur.
Buǵan deıin kólik salasynda kórsetilgen qyzmet kólemi 2,9 trln teńgege jetkenin jazǵanbyz.
