Naýqastyń aýrýhanalarda AITV juqtyryp almaýyna kim kepil
ASTANA. QazAqparat – Densaýlyq saktaý mınıstrliginiń Sanıtarııalyq-epıdemıologııalyq baqylaý komıteti el aýrýhanalaryndaǵy ınfektsııalyq qaýipsizdiktiń saqtalýyna qatysty saýalǵa jaýap berdi, dep habarlaıdy QazAqparat tilshisi.
«Medıtsınalyq uıymdardaǵy ınfektsııalyq qaýipsizdik halyq arasynda kúmán týdyrmaýy tıis. Bul jaǵdaıda júıelik buzylýlar bolǵan joq, patsıentterdiń ınfektsııany juqtyrý faktisi tek adamı faktormen baılanysty. Medıtsınalyq uıymdarda zańnamada belgilengen talaptarǵa sáıkes bolýy boıynsha ishki óndiristik baqylaý júrgiziledi. Budan basqa, Sanıtarııalyq-epıdemıologııalyq baqylaý departamenti medıtsınalyq uıymdarda sanıtarııalyq normalar men erejelerdiń saqtalýyna josparly baqylaýdy júzege asyrady. Sondaı-aq, keıinnen attestattaýmen ınfektsııalyq qaýipsizdikti qamtamasyz etý máseleleri boıynsha medıtsınalyq personaldy oqytý turaqty negizde júrgiziledi», - delingen QazAqpaart tilshisiniń saýalyna joldanǵan komıtet jaýabynda.
Sonymen qatar, quzyrly organ Almaty aýrýhanasynda AITV (adamnyń ımmýn tapshylyǵy vırýsy) juqtyrǵandardyń densaýlyq jaǵdaıy týraly aqparat usyndy.
Eske salaıyq, osy jyldyń maýsym aıynda Almaty ortalyq klınıkalyq aýrýhanasynda jatqan úsh naýqastan AITV anyqtalǵan bolatyn.
Keıin Densaýlyq saqtaý mınıstrligi AITV juqtyrǵan úsh naýqaspen baılanysta bolǵan 593 adam tekserilip jatqanyn málimdedi.
Artynsha osy oqıǵaǵa baılanysty arnaıy qurylǵan komıssııa naýqastarǵa kimniń kinásinen AITV juqqanyn jarııalady. Tıisinshe, birneshe medıtsına qyzmetkeri qyzmetinen ketti.
