Naýqasty tepkilegen dáriger: Oqıǵa Astanada tirkelmegen
ASTANA. QazAqparat - Astana qalalyq Qoǵamdyq densaýlyq saqtaý basqarmasy áleýmettik jelide medıtsına qyzmetkeriniń patsıentti tepkilegeni túsirilgen vıdeorolıkke qatysty túsinikteme berdi, dep habarlaıdy QazAqparat tilshisi.
Aıta ketsek, Instagram paraqshasynda medıtsınalyq qyzmetkerdiń patsıentti sabaǵan vıdeosy tarap ketken bolatyn. «Astana qalasynyń №2 aýrýhanasynda tirkelipti» degen jazýmen taraǵan vıdeo birshama qoǵamdyq rezonans týdyryp otyr.
Búgin qalalyq Qoǵamdyq densaýlyq saqtaý basqarmasynyń baspasóz qyzmeti atalmysh oqıǵaǵa qatysty túsinikteme berdi.
«Medıtsınalyq qyzmetkerdiń patsıentti sabaǵany túsirilgen kadry bar áleýmettik jelide taraǵan vıdeo ıntereri boıynsha Astana qalasynyń №2 qalalyq aýrýhanasynda sáıkes kelmeıdi. Atalǵan vıdeorolıktegi adamdar Astana qalasynyń №2 qalalyq aýrýhanasynyń qyzmetkerleri emes. Jalpy, bul oqıǵa Astana qalasyndaǵy medıtsınalyq uıymdarynda tirkelmegen», - dep málimdedi vedomstvonyń baspasóz qyzmeti.
