Naýqastar sanynyń artýy boljamǵa sáıkes kelip otyr – Bekshın

ALMATY. QazAqparat - Almaty qalasynyń bas memlekettik sanıtar dárigeri Jandarbek Bekshın onlaın brıfıng barysynda qaladaǵy epıdemıologııalyq ahýal jaıly aıtty, dep habarlaıdy QazAqparat tilshisi.

Jyl basynan 26 sáýirge deıin qalada koronavırýstyń 33 230 jaǵdaıy tirkeldi. Byltyr 18,5 myń bolǵan. ıAǵnı, 1,8 ese artyq. Ótken táýlikte 689 adam koronavırýs juqtyrǵan.

«Osy jyldyń sáýir aıynda aýrýshańdyq boljamdy túrde ósýin jalǵastyrýda. Epıdemııanyń damý serpini 3-aptadaǵy pıssemıstik boljamǵa sáıkes keledi. Boljam boıynsha 14 483 jaǵdaı kózdelgen, al sáýirdiń alǵashqy úsh aptasynda vırýs juqtyrǵan 13 397 oqıǵasy tirkeldi. Sondyqtan qaladaǵy epıdemıologııalyq jaǵdaı qazir kúrdeli. Sol sebepti shekteý sharalaryn jumsartqan joqpyz», - dedi Jandarbek Bekshın.

Sonymen qatar ol vırýstyń qazirgi damý dınamıkasynda sımptomy bar naýqastar sanynyń kóbeıgenin atap ótti.

«Bıylǵy qańtar aıynda sımptommen tirkelgen naýqastardyń úlesi 73% bolsa, búgingi tańda ol 90%-ǵa jetken. Bul aýrýdyń neǵurlym agressıvti qozdyrǵyshynyń bolýyn rastaıdy. Oǵan qosa vırýstyń mýtatsııalanǵan shtamdary paıda boldy»,- dedi ol.