Naýqas jigit arqa qorjyndaǵy jasandy júrekpen bir jarym jyl ómir súrdi
ASTANA. QazAqparat - 25 jastaǵy amerıkalyq Sten Larkınge júrek aýystyrý otasy jasaldy. Alaıda buǵan deıin ol 18 aı arqa qorjynyndaǵy jasandy júrekpen ómir súrdi. Ol júıe Syncardia atalady, ol Larkınge donor tabylǵansha kómekke keldi, dep habarlaıdy sciencealert.com.
Sten Larkın men onyń týǵan aǵasy júrekteri belgisiz sebeppen toqtap qalýy múmkin genetıkalyq dertke shaldyqqan. Hırýrgter eki naýqastyń da júrekterin alyp tastap, Syncardia júıesine qosqan. Bul olardy aman saqtap, kezdeısoq ólimniń aldyn alýǵa múmkindik berdi.
Domınık donordy birneshe apta kútse, Sten syrtqy júrekpen 550-den astam kún ómir súrdi.
Syncardia-nyń salmaǵy alty keli, naýqas tynysh ómir saltyn ustanýy qajet. alaıda Sten turaqty túrde basketbol oınap, dárigerlerdi tańǵaldyrdy. 
