Naýqas ekenin bile tura qoǵamdyq orynǵa barǵandar qandaı jazaǵa tartylady

NUR-SULTAN. QazAqparat – Sanıtarlyq-epıdemıologııalyq baqylaý komıtetiniń tamaqtaný obektilerin, tárbıe men bilim berýdi sanıtarlyq-gıgıenalyq baqylaý jáne qadaǵalaý basqarmasynyń basshysy Maral Rahymjanova vırýs juqtyrǵanyn bile tura qoǵamdyq orynǵa barǵan azamattarǵa qandaı shara qoldanylatynyn túsindirdi, dep habarlaıdy QazAqparat tilshisi.

«Ashyq» qosymshasy synaqtan ótken pılottyq kezeńde eshkimge shara qoldanylǵan joq. Búgingi kúni halyqqa túsindirý jumystary júrgizilýde. Eger PTR-test aýrý juqtyrǵanyn rastalsa, ınfektsııa juqtyrǵan degen sóz. Tipti onyń belgileri bolmasa da, ol ınfektsııany taratýy, aınalasyndaǵylar úshin qaýipti bolýy múmkin», - degen komıtet ókili «qyzyl» statýsty adamdarǵa oqshaýlaý sharasyn qoldanylatynyn eskertti.

«Aýrý juqtyrǵandardyń árqaısysyna qolhat beriledi. Onda úı karantıninde bolyp, oqshaýlaný qajet ekeni týraly túsinikteme beriledi. Kórsetkishteri aýrýhanaǵa jatqyzýǵa mindetteıtin azamattar aýrýhanaǵa jatqyzylady. Biraq qoldanystaǵy zańnamada adamdardy aıyppul túrinde jaýapkershilikke tartý týraly Ákimshilik kodekstiń baptary kózdelgenin atap ótý qajet. Eger 425-bap boıynsha, halyqtyń sanıtarlyq-epıdemıologııalyq saýlyǵy týraly zańnama talaptaryn, sondaı-aq gıgıenalyq normatıvterdi buzsa, 25 AEK aıyppul salynady. Al eger 431-bap boıynsha aınaladaǵylarǵa qaýip tóndiretin aýrýlardyń juqtyrý kózin jáne olarmen qatynasta bolǵan adamdardy jasyrsa, 5 AEK kórsetkish mólsherinde aıyppul salýǵa ákep soǵady», - dedi Maral Rahymjanova.