«Saraishyq Upgrade 2025»: Atyraýda halyqaralyq jastar forýmy ótti
ASTANA. KAZINFORM — Atyraý qalasynda kreatıvti ındýstrııa salasyndaǵy dıalog, mádenı almasý jáne yntymaqtastyq alańyna aınalǵan «Saraishyq Upgrade 2025» halyqaralyq jastar forýmy ótti.
Іs-shara Atyraý oblysy ákimdiginiń uıymdastyrýymen, Qazaqstan Mádenıet jáne aqparat mınıstrliginiń qoldaýymen ótti. Forýmda paneldik pikirtalastar, taqyryptyq sektsııalar, sheberlik sabaqtary ótti. Sonymen qatar kınematografııa, mýzyka, marketıng, teatr jáne sahnalyq óner, horeografııa, IT jáne jasandy ıntellekt baǵyttary boıynsha jastar jobalarynyń baıqaýy uıymdastyryldy.
Jıynǵa Qazaqstannyń barlyq óńirlerinen ókilder jáne Ázerbaıjan, Qyrǵyzstan, Reseı jáne Ózbekstannan delegattar qatysyp, barlyǵy 300-ge jýyq adam jınaldy.
«Saraishyq Upgrade 2025» forýmy jastardyń ózara halyqaralyq baılanystyń jańa formattaryna degen erekshe qyzyǵýshylyǵyn kórsetti.
Mádenıet jáne aqparat mınıstrligi málimetinshe, atalǵan is-shara jastar dıplomatııasyn nyǵaıtýǵa, kreatıvti ındýstrııany damytýǵa, memleketaralyq yntymaqtastyqty keńeıtýge baǵyttalǵan mańyzdy qadam boldy.
Eske salsaq, Qazaqstanda bıyl 10 sheteldik ýnıversıtettiń fılıaly ashylady. Bul týraly Jibek Joly arnasynyń «Búgin LIVE» baǵdarlamasynda Ǵylym jáne joǵary bilim mınıstri Saıasat Nurbek aıtqan edi.