Naýqas áıel Kókshetaý ákimdiginiń mańyna «bomba qoıǵan»
KÓKShETAÝ. QazAqparat – Kókshetaý qalasy ákimdiginiń ǵımaratyna bomba qoıylǵany týraly aqparatqa baılanysty ákimdik qyzmetkerleri evakýatsııalandy, dep habarlaıdy QazAqparat tilshisi.
Aqmola oblystyq PD baspasóz qyzmetiniń málimetinshe, qańtardyń 30-da Kókshetaý qalasyndaǵy jedel basqarý ortalyǵynyń «102» arnaıy jelisine 46 jastaǵy jergilikti turǵyn habarlasyp, qalalyq ákimdiktiń mańyna bomba qoıylǵanyn aıtqan.
«Osyǵan baılanysty ákimdikte bolǵan birqatar qyzmetkerler evakýatsııalandy. Polıtsııa departamentiniń jarylǵysh zattarmen jumys isteıtin tehnık-mamandary ákimdik ǵımaraty mańynan jarylǵysh zatty tappady» deıdi vedomstvonyń baspasóz qyzmetiniń jetekshisi Gúlnár Pınchýk.
Anyqtalǵandaı, jalǵan habar bergen 46 jastaǵy áıel 2018 jyldan beri «bosanǵannan keıin minez-qulqynyń buzylýy» dıagnozymen psıhıatr dárigerdiń esebinde turǵan.
«Qazirgi kezde osy oqıǵaǵa baılanysty QR QK 273 baby «Terrorızm aktisi týraly kórineý jalǵan habarlaý» boıynsha sotqa deıingi tergeý sharalary qolǵa alyndy» dep tolyqtyrdy Gúlnár Pınchýk.
