NATO Jerorta teńizinde áskerı jattyǵýlaryn bastady

ASTANA. KAZINFORM – Jerorta teńiziniń ortalyq bóliginde NATO-nyń «Dynamic Manta-24» jyl saıynǵy oqý-jattyǵýy bastaldy. Bul týraly Euronews habarlady.

Oqý-jattyǵýǵa Túrkııa, Kanada, Frantsııa, Germanııa, Gretsııa, Italııa, Ispanııa, Ulybrıtanııa jáne AQSh-tyń áskerı qyzmetkerleri qatysýda.

Aıtýlarynsha, manevrler barysynda Soltústik Atlantıkalyq alıans elderi qurlyqtaǵy jáne áýe kúshterimen kelise otyryp, sýasty kemelerge qarsy soǵys tapsyrmalaryn oryndaıdy.

Jerorta teńizi kúrdeli sý asty relefimen jattyǵý úshin tamasha oryn ekeni atap ótildi.

8 naýryzǵa deıin jalǵasatyn manevrlerge avıatsııa jáne jeti sýasty kemesi qatysady.