NATO Ýkraına tóńiregindegi jaǵdaı boıynsha kezekten tys otyrysyn ótkizedi
BRıÝSSELЬ. QazAqparat - NATO-nyń Soltústikatlantıkalyq Keńesi (Uıymnyń joǵarǵy saıası organy) búgin Alıanstyń 28 múshe-memleketteriniń turaqty ókilderi deńgeıinde Ýkraına tóńiregindegi jaǵdaı boıynsha kezekten tys otyrysyn ótkizedi, dep habarlady Soltústikatlantıkalyq bloktyń baspasóz qyzmeti.
Vashıngton shartynyń 4-babyna sáıkes otyrys Polshanyń saýaly boıynsha ótedi. Bul bap NATO elderiniń eger olardyń bireýine óz qaýipsizdigine eleýli qaýip tónetin bolsa, konsýltatsııalar ótkizý múmkindigin qarastyrady.
Polsha kezdesý ótkizý týraly saýalynda kórshiles Ýkraınadaǵy jaǵdaıdy «Eýro-Atlantıkalyq aımaqtaǵy qaýipsizdik pen turaqtylyq úshin tikeleı jáne eleýli saldary bar», dep atady.
Polsha syrtqy ister mınıstri Radoslav Sıkorskı atap ótkendeı, otyrys Vashıngton shartynyń 4-baby aýqymynda NATO tarıhynda 4-shi ret ótkeli otyr.
