NATO taǵy alty provıntsııany aýǵan ókimetiniń baqylaýyna bermek
ASTANA. 28 qarasha. QazAqparat - Aýǵanstan prezıdenti Hamıd Karzaı NATO el ókimetine aýǵan aýmaǵyndaǵy ekinshi topty baqylaýǵa beretinin málim etti, dep habarlady Bı-Bı-Sı-diń orys qyzmeti.
Bul qadam 2014 jylǵa deıin tolyq júzege asyrylýy tıis aýǵan quqyq qorǵaý qurylymdaryna eldegi qaýipsizdikti baqylaýǵa berý josparynyń bir bóligi bolyp tabylady.
Prezıdent ákimshiliginen habarlaǵandaı, aýǵan kúshterine baqylaýǵa alty provıntsııa, jeti qala jáne ondaǵan okrýg berildi. Olardyń ishindegi Gılmend provıntsııasynyń úsh okrýgi ıslamdyq qarsylasý oshaǵy bolyp sanalyp kelgen bolatyn, alaıda qazir halyqaralyq koalıtsııa kúshteri olardy tolyq baqylaýǵa alǵan.
