NATO Sırııany halyqaralyq quqyqty óreskel buzýshylyqty toqtatýǵa úndedi
BRıÝSSELЬ. 4 qazan. QazAqparat - Túrik-sırııa shekarasynda bolǵan oqıǵaǵa baılanysty Soltústikatlantıkalyq keńes Brıýsellde jıyn ótkizip, onda Sırııa bıligin synǵa aldy.
Bul týraly NATO-nyń baspasóz qyzmetinen habarlandy.
Taratylǵan málimdemede atap kórsetilgendeı, sırııa bıliginiń NATO-nyń ońtústik-shyǵys shekarasyndaǵy jýyrdaǵy agressııashyldyq aktilerine baılanysty Soltústikatlantıkalyq keńes Vashıngton kelisiminiń 4-baby aıasynda kezdesý ótkizd. Bul áreketter halyqaralyq quqyqty óreskel buzýshylyq bolyp tabylady jáne Alıans odaqtastarynyń biriniń qaýipsizdigi úshin aıqyn ári naqty qaýip tóndiredi. Keńes sondaı-aq sırııalyq qarýly kúshterdiń Túrkııanyń keıbir aýdandaryna oq jaýdyrǵan áreketterin aıyptady.
«Vashıngton kelisiminen týyndaıtyn ajyramas qaýipsizdik pen nıettestik rýhynda Alıans Túrkııany qoldaýdy jaǵastyrady jáne odaqtastarǵa qarsy mundaı basqynshylyq áreketterdi tez arada toqtatýdy talap etedi. Sondaı-aq sırııa bıligin halyqaralyq quqyqty óreskel buzýdy toqtaýǵa shaqyrady», - delingen úndeýde.
