NATO Sırııa tarapynan bolýy múmkin áýe soqqylarynan qorǵaný úshin Túrkııada «Patriot» raketalyq júıelerin ornalastyrýdy maquldady
BRıÝSSELЬ. 5 jeltoqsan. QazAqparat - NATO keńesi Sırııa tarapynan bolýy múmkin áýe soqqylarynan túrkııa halqyn qorǵaý úshin Túrkııa men Sırııanyń shekarasynda «Patriot» zenıtti-raketalyq keshenderin ornalastyrýdy maquldady.
Bul týraly Brıýsellde ótken NATO Keńesi otyrysynyń birinshi kúniniń qorytyndysy boıynsha Soltústikatlantıkalyq alıanstyń bas hatshysy Anders Fog Rasmýssen habarlady.
«Biz sizderdi jáne sizderdiń aýmaqtaryńyzdy qorǵaýǵa bekinip otyrmyz. Túrkııaǵa shabýyl jasaǵysy keletinderge bul týraly oılanýǵa da keńes bermeımiz», - dedi A.Rasmýssen.
Túrik-sırııa shekarasynda «Patriot» raketalyq batareıalary Germanııa, Nıderlandııa jáne AQSh-pen usynylady dep boljanýda. Bul júıeler NATO-nyń Eýropadaǵy birikken qarýly kúshteriniń joǵarǵy bas qolbasshysynyń jedel basqarýynda bolady.
NATO shtab páterinde málim etilgendeı, Túrkııada «Patriot» batereıasyn ornalastyrý tek qorǵaný áreketinde jasalýda, olar ushaqsyz aımaqty qoldaýǵa nemese shabýyl jasaýǵa baǵyttalmaıdy.
