NATO Ońtústik Osetııadaǵy saılaýdy moıyndamaıdy
ıÝSSELЬ. 14 qarasha. QazAqparat /Dımash Syzdyqov/ - NATO 13 qarasha kúni Ońtústik Osetııada bolyp ótken prezıdent saılaýyn moıyndamaıdy. Mundaı málimdemeni soltústikatlantıkalyq alıanstyń Bas hatshysy Anders Fog Rasmýssen jasady,
dep habarlaıdy bloktyń baspasóz qyzmeti.
«Mundaı saılaý ótkizý Grýzııanyń beıbitshil jáne uzaqmerzimdi jaǵdaıyn retteýge múmkindik týǵyzbaıdy. Alıans Grýzııanyń halyqaralyq tanylǵan shekarasy aýmaǵyndaǵy egemendigi men aýmaqtyq tutastyǵyn tolyq qoldaıtynyn taǵy da málimdeıdi», - dep atap ótti A. Rasmýssen óziniń málimdemesinde.
Esterińizge sala keteıik, NATO Ońtústik Osetııany táýelsiz memleket retinde moıyndaýdan bas tartyp, ony Grýzııanyń bóligi dep esepteıdi.
Ońtústik Osetııadaǵy saılaý 13 qarashada ótti, alaıda alǵashqy aınalymda eshbir úmitker jeńiske jetý úshin qajetti daýys sanyn ala almady. Sońǵy málimetter boıynsha, burynǵy bilim mınıstri Alla Djıoeva 25% daýyspen sál alda keledi. Odan keıin eldiń Tótenshe jaǵdaılar jónindegi mınıstri Anatolıı Bıbılov. Prezıdenttik qyzmet ornyna barlyǵy 11 úmitker daýysqa tústi. Ekinshi aınalym barysynda kópshilik daýysqa ıe bolǵan úmitker jeńiske jetpek.
