NATO odaqtastary Jerorta teńizindegi qaýipsizdikti kúsheıtý sharalaryn qabyldady
ASTANA. KAZINFORM - NATO odaqtastary Jerorta teńizi aımaǵyndaǵy qaýipsizdikti kúsheıtý baǵytynda birqatar sharalardy qolǵa aldy. Bul týraly alıans ókili Anadolu Agency agenttiginiń saýalyna bergen jazbasha jaýabynda málimdedi.
Málimdeme Qurama Shtattar prezıdenti Donald Tramptyń Ormýz buǵazy arqyly keme qatynasynyń qaýipsizdigin qamtamasyz etý qajettigi jónindegi sózinen keıin jasaldy.
Anonımdi hat arqyly pikir bildirgen alıans ókiliniń aıtýynsha, NATO elderi AQSh jáne basqa seriktestermen qosymsha qandaı qadamdar jasalýy múmkin ekenin talqylap jatyr. Áńgime, sonyń ishinde, Ormýz buǵazyndaǵy qaýipsizdikti qamtamasyz etýge qatysty yqtımal sharalar týraly bolyp otyr.
Buǵan deıin Donald Tramp suhbattarynyń birinde eger NATO odaqtastary Ormýz buǵazyndaǵy qaýipsizdikti qamtamasyz etýge qatysýdan bas tartsa, bul «alıanstyń bolashaǵy úshin óte jaǵymsyz saldarǵa» ákelýi múmkin ekenin eskertken bolatyn.
