NATO-nyń shtab-páterinde 11 qyrkúıektegi lańkestik qurbandary eske alyndy
ıÝSSELЬ. 12 qyrkúıek. QazAqparat /Dımash Syzdyqov/ - AQSh-taǵy 11 qyrkúıektegi lańkestik aktiniń 10 jyldyǵyna oraı jeksenbi kúni NATO-nyń Brıýsseldegi shtab-páterinde qaza bolǵandar bir mınýttik únsizdikpen eske alyndy jáne Soltústikatlantıkalyq alıanstyń 28 múshe-memleketiniń ulttyq týlary tómen túsirildi.
NATO shtab-páteri bas ǵımaratynyń aldynda jınalǵandar aldynda sóz sóılegen Uıymnyń bas hatshysy Anders Fog Rasmýssen budan on jyl buryn AQSh-ta lańkester álemniń ár túpkirindegi úsh myńǵa jýyq adamdy qazaǵa ushyratqanyn eske saldy. «Nıý-Iorkte, Pentagonda jáne Pensılvanııa dalalarynda biz áriptesterimizdi, dostarymyzdy jáne týystarymyz ben jaqyndarymyzdy jerledik. Biz osy shabýyldy josparlap júzege asyrǵan ekstremısterdi tabýǵa uıǵardyq», - dedi ol.
Soltústikatlantıkalyq alıans basshysy «11 qyrkúıektegi shabýyl basshysy» Ýsama Ben Laden qurtylǵanmen osyndaı lańkestik ıdeologııa áli de bar ekenin atap ótti.
Osyǵan baılanysty A.Rasmýssen Alıans boıynsha odaqtastardy jáne NATO áriptesterin «janjaldar men jaýlyqqa bizdi ıtermeleıtin» kúshterge qarsy birigýge shaqyrdy, sondaı-aq erkindik pen demokratııaǵa umtylǵan arab elderiniń halqyna qoldaý kórsetýge ýáde etti.
