NATO-nyń Qorǵanys mınıstrleri «Aqyldy qorǵanys» bastamasyn qoldady
ASTANA. 4 aqpan. QazAqparat /Dımash Syzdyqov/ - Brıýsselde ótken NATO-ǵa múshe elder qorǵanys mınıstrleriniń eki kúndik kezdesýi barysynda Alıanstyń bas hatshysy Anders Fog Rasmýssen usynǵan «Aqyldy qorǵanys» (Smart Defence) bastamasy maquldandy.
Bastama qarjyny qomaqty únemdeý qajet bolǵan kezeńderde shekteýli qarjylyq resýrstar jaǵdaıynda qorǵanys áleýetin barynsha tıimdi qoldanýǵa múmkindik beretin bolady. Bul týraly NATO-nyń baspasóz qyzmetinen málim etti.
Soltústikatlantıkalyq alıan basshysynyń sózine qaraǵanda, kezdesý barysynda NATO-ǵa múshe elder qorǵanys mınıstrleri onyń «Aqyldy qorǵanys» basmasyn maquldady. Osyǵan oraı ol, aǵymdaǵy jyldyń mamyr aıynda Chıkagoda ótetin Bloktyń sammıtinde jobalardyń deni boıynsha, sondaı-aq uzaqmerzimdi bolashaqqa qatysty sheshimder qabyldanady dep kútýde.
NATO-nyń qorǵanys vedomstvolarynyń mınıstrleri «Aqyldy qalany» baqylaý, barlaý, logıstıka jáne bilim berý syndy salalarda paıdalaný múmkindikterin zerdeleýge kelisti.
Áskerı sheneýnikter, sondaı-aq Alıansty odan ári ıkemdi jáne tıimdi etýdi kózdeıtin NATO-ny reformalaý máselesindegi ilgerileýshilikti qarastyrdy.
