NATO-nyń Bas hatshysy Reseı men AQSh arasyndaǵy strategııalyq shabýyl qarýlary jónindegi bekitilgen jańa kelisimdi qoldaıdy
BRıÝSSELЬ. 26 qańtar. QazAqparat /Dımash Syzdyqov/ - NATO-nyń Bas hatshysy Anders Fog Rasmýssen Reseı Federatsııasy Keńesi bekitken Reseı men AQSh arasynda strategııalyq shabýyl qarýlary jónindegi jańa kelisimdi qoldaıdy,
dep habarlaıdy soltústikatlantıkalyq alıanstyń baspasóz qyzmeti.
«Men Reseı Parlamentiniń Strategııalyq shabýyl qarýlary jónindegi jańa reseı-amerıkan kelisimin jasaǵanyn qoldaımyn. Bul shynaıylyq pen yntymaqtastyqtyń nyǵaıýyna úlken úles qosady. Men sondaı-aq bul kelisim Reseı men NATO arasyndaǵy, sonyń ishinde zymyranǵa qarsy qorǵanys salasyndaǵy strategııalyq áriptestiktiń naqty alǵa basýyna kómektesedi dep úmittenemin», - delingen NATO Bas hatshysynyń taratylǵan málimdemesinde.
QazAqparat buryn habarlaǵandaı, 2010 jyldyń 22 jeltoqsany kúni AQSh Kongresiniń Senaty Strategııalyq shabýyl qarýlary jónindegi kelisimdi bekitken bolatyn. Qujatty 71 senator qoldasa, 26 adam qarsy daýys bergen. Al Reseı Federatsııasy men AQSh arasyndaǵy kelisimge 2010 jyldyń 8 sáýir kúni Chehııa astanasy Praga qalasynda qol qoıylǵan bolatyn.
