NATO-nyń Bas hatshysy Kabýldaǵy BUU qonaqúıinde bolǵan lańkestikti aıyptady
BRıÝSSELЬ. Qazannyń 28-i. QazAqparat /Erjan Ospanov/ - NATO-nyń Bas hatshysy Anders Fog Rasmýssen Kabýldaǵy BUU qonaqúıinde sodyrlar jasaǵan lańkestikti aıyptady.
«NATO-nyń atynan búgin Kabýlda jasalǵan, osynyń saldarynan BUU mıssııasynyń qyzmetkerleri mert bolǵan jáne jaraqattanǵan qanypezer shabýyldy aıyptaımyn. Beıbit ómir ornatýda aýǵan halqyna kómek kórsetip jatqandar osy lańkestik oqıǵanyń qurbandary boldy. «Talıban» ózderiniń shyn máninde aýǵan halqynyń jaýy ekenin taǵy da kórsetti», - dep aıtylǵan NATO Bas hatshysynyń málimdemesinde.
Anders Fog Rasmýssen sonymen qatar, qurban bolǵandardyń jáne BUU otbasylaryna kóńil aıtýyn joldady.
Búgin lańkester Kabýldaǵy BUU-nyń qonaqúıine shabýyl jasaǵanyn, onda BUU mıssııasynyń alty qyzmetkeri opat bolǵanyn jáne jaraqattar alǵandardyń bar ekenin esterińizge salamyz. Túrli BAQ derekteri boıynsha, lańkestik úshin jaýapkershilikti «Talıban» qozǵalysy moınyna alǵan.
