NATO-nyń Bas hatshysy Aýǵanstandaǵy qaýipsizdikti baqylaý máselesiniń jergilikti bılik quzyretine túbegeıli kóshkeni týraly málimdemeni qoldady
BRıÝSSELЬ. 18 maýsym. QazAqparat - NATO-nyń bas hatshysy Anders Fog Rasmýssen Aýǵanstan prezıdenti Hamıd Karzaıdyń eldegi qaýipsizdik máselesine qatysty málimdemesin qoldady. Málimdemede Aýǵanstandaǵy qaýipsizdikti baqylaý mindeti birer aıdan keıin jergilikti bılik quzyretine ótedi delingen. Bul týraly NATO-nyń baspasóz qyzmetinen habarlady.
«Bul búkil aýǵandar úshin jáne Halyqaralyq qaýipsizdikke járdemdesý kúshterine kiretin 50 el úshin abyroıly kún. 2010 jyly Lıssabonda ótken sammıtte biz aýǵan úkimetimen birlese otyryp, eldegi qaýipsizdikti qamtamasyz etý jaýapkershiligin 2014 jyldyń aıaǵyna qaraı birtindep Aýǵanstan bıliginiń quzyretine berýdi kózdeıtin «jol qartasyn» ázirledik», - dedi A.Rasmýssen.
«Budan bylaı biz eshqandaı áskerı operatsııany josparlamaımyz da, iske asyrmaımyz da. 2014 jyldyń aıaǵyna qaraı bizdiń áskerı mıssııamyz aıaqtalady, odan keıin jańa mıssııa bastalady» - dep atap ótti A.Rasmýssen.
Soltústik Atlantıkalyq alıans uıymynyń Bas hatshysynyń aıtýynsha, NATO-nyń jańa mıssııasynyń máni oqytý, keńes berý jáne aýǵan qaýipsizdik kúshterine járdemdesý bolmaq.
