NATO-nyń Bas hatshysy Aýǵanstan halqyn parlamenttik saılaýdyń ótýimen quttyqtady
BRıÝSSELЬ. Qyrkúıektiń 20-sy. QazAqparat /Dımash Syzdyqov/ - NATO-nyń Bas hatshysy Anders Fog Rasmýssen Aýǵanstan halqyn senbi, qyrkúıektiń 18-i elde bolǵan parlamenttik saılaýlardyń ótýimen quttyqtady,
dep habarlaıdy Soltústikatlantıkalyq alıanstyń baspasóz qyzmeti.
NATO Bas hatshysynyń sózina qaraǵanda, barlyq kedergilerge qaramastan, saılaý naýqany boldy. «Aýǵanstannyń saılaýshylary men depýtattyqqa úmitker adamdar taǵy bir márte qorqytýlarǵa qarsy tura alatyndyqtaryn dáleldedi. Aýǵanstan bıligine saılaýdy ótkizgeni úshin alǵys aıtqym keledi», dep atap ótti A.F.Rasmýssen.
Esterińizge sala keteıik, ústimizdegi jylǵy qyrkúıektiń 18-i kúni Aýǵanstanda tómengi palatanyń saılaýy ótti. Zań shyǵarýshy organdaǵy 249 orynǵa 2500-ǵa jýyq úmitker usynylǵan. Saılaýdyń aldyn ala qorytyndylary aldaǵy kúnderi belgili bolady. Álemdik aqparat agenttikteriniń málimetterine súıensek, saılaý kúni zymyrandyq shabýyldar, jarylystar, saılaý ýchaskelerin basyp alý, sonymen qatar, qarý atylǵan oqıǵalar oryn alǵan. Ondaǵan adam qaza taýyp, jaraqattanǵan.
