NATO-nyń Aýǵanstannyń ońtústigine jasaǵan áýe soqqysynan 20 adam kóz jumdy
ASTANA. Qazannyń 25-i. QazAqparat - NATO-nyń Aýǵanstannyń ońtústigine jasaǵan áýe soqqysynan 20-25 adam kóz jumdy. Bul týraly jergilikti bılik aqparatyna silteme jasaı otyryp, Ýtro.rý agenttigi habarlady. Koalıtsııanyń birlesken qolbasshylyǵy aldyn ala alynǵan aqparat boıynsha, beıbit halyq arasynan qaza tapqandar joq dep málim etti.
Sonymen qatar, Gılmend provıntsııasynyń ákimshiligi qurban bolǵandardyń sany artady degendi de joqqa shyǵarmaıdy, sebebi opat bolǵan adamdardyń máıiti qıraǵan ǵımrattar arasynda qalǵan, sondyqtan kóz jumǵandardyń naqty sanyn aıtý múmkin bolmaı otyr. Oqıǵa ornynda qutqarý jumystary júrip jatyr.
