NATO-nyń áýe shabýylynan 9 adam mert boldy
ASTANA. 31 naýryz. QazAqparat - Aýǵanstanda NATO-nyń áýe shabýylynan 9 adam qaza tapty. Qurban bolǵandardyń qatarynda eki bala bar, dep habarlaıdy 24.kz.
Beıbit turǵyndar da jaraqat aldy. Mert bolǵandar búlikshi-tálipter ekeni anyqtaldy. Halyqaralyq aqparat agenttikteriniń habarlaýynsha, oqıǵa eldiń ońtústik-shyǵysynda Gaznı qalasynda bolǵan. Jergilikti polıtsııa derekteri boıynsha, NATO tikushaǵy sodyrlardyń shabýylyna tap bolǵan polıtseı bólimin qorǵamaq bolǵan. Esterińizge salsaq, aqpan aıynda Aýǵanstan prezıdenti Hamıd Karzaı jergilikti áskerılerge NATO bólimsheleriniń kómegine júginýge tyıym salǵan bolatyn. Sebebi ótken joly batys jasaqtarynyń áýe shabýylynan 9 beıbit turǵyn qaza tapqan edi.
