NATO-nyń burynǵy bas hatshysy Norvegııanyń jańa qarjy mınıstri boldy

ACTANA. KAZINFORM – Iens Stoltenberg Norvegııanyń jańa qarjy mınıstri boldy, dep habarlaıdy Kazinform tilshisi. 

Eýropalyq BAQ-tyń habarlaýynsha, onyń esimi Norvegııa premer-mınıstri Ionas Gar Store usynǵan jańa mınıstrler kabınetine engizilgen. 

Stoltenbergtiń ózi Qarjy mınıstrligin basqarý usynysyn qabyldaǵanyn rastady. 

Iens 2000 jyldan 2001 jylǵa deıin jáne 2005 jyldan 2013 jylǵa deıin Norvegııanyń premer-mınıstri boldy. NATO-nyń Bas hatshysy qyzmetine 2014 jyly kirisip, bul laýazymdy týra 10 jyl alyp júrdi. Onyń mandaty Ýkraınadaǵy oqıǵalarǵa baılanysty uzartyldy. Stoltenberg 2022 jyly NATO-dan shyǵyp, Norvegııa Ortalyq bankin basqardy.

Norvegııa úkimetindegi ózgerister qańtar aıynyń sońynda Ortalyq partııasy Jumysshylar partııasymen koalıtsııadan shyǵatynyn jarııalaǵannan keıin bastaldy.

Ortalyq partııanyń jetekshisi Trıgve Vedým Qarjy mınıstri laýazymyn bosatyp, onyń ornyna I. Stoltenberg keldi. 

Endi Norvegııa úkimeti keıingi 25 jylda alǵash ret tek Jumysshylar partııasynyń mınıstrlerinen jasaqtalady.