NATO-nyń Bas hatshysy AQSh-qa barady

ASTANA.KAZINFORM - NATO-nyń Bas hatshysy Mark Rıýtte 2025 jyldyń 12-14 naýryzynda Vashıngtonǵa barady, dep habarlaıdy Kazinform tilshisi.

13 naýryzda Bas hatshy AQSh prezıdenti Donald Tramppen Aq úıde kezdesedi. Sapar barysynda ol AQSh ákimshiligi men Kongresiniń joǵary laýazymdy tulǵalarymen de kezdesedi.

Aıta keteıik, AQSh úkimetiniń tıimdiligi departamentiniń (DOGE) basshysy Ilon Mask Soltústik atlantıkalyq alıansty qaıta qurýǵa shaqyrǵan bolatyn.

Ol senator Maık Lıdiń (ıÝta shtaty) NATO «eskirgen» jáne «qyrǵı-qabaq soǵys dáýiri áldeqashan aıaqtaldy» degen jazbasyna jaýap retinde «NATO-ny tolyqtaı qaıta qurý qajet», - dep jazdy.

Budan buryn Ázerbaıjan NATO-nyń Ozyq tájirıbe ortalyǵyna qosylǵanyn habarladyq.