NATO Nıderlandyda ıadrolyq jattyǵýlaryn bastady

ASTANA.KAZINFORM — Dúısenbi kúni Nıderlandta NATO-nyń jyl saıynǵy «Turaqty kún 2025» ıadrolyq oqý-jattyǵýy bastaldy, dep habarlaıdy Kazinform agenttiginiń menshikti tilshisi.

Eýropalyq BAQ-tyń habarlaýynsha, oqý-jattyǵýdyń maqsaty — «Alıanstyń ıadrolyq tosqaýylǵa daıyndyǵyn tekserý».

Folkel áýe bazasyna sapary kezinde NATO Bas hatshysy Mark Rıýtte jattyǵýǵa Alıansqa múshe elderdiń ushaqtary, sonyń ishinde Nıderland áýe kúshteriniń zamanaýı F-35A ushaqtary qatysatynyn málimdedi.

NATO oqý-jattyǵýlardyń jyl saıyn ótkiziletinin jáne ıadrolyq qarýdy qoldanýdy kózdemeıtinin atap ótti.

NATO Bas hatshysy Mark Rıýtteniń aıtýynsha, jattyǵý tek qorǵanys sıpatynda jáne alıanstyń eýroatlantıkalyq aımaqtaǵy qaýipsizdikti saqtaý qabiletin kórsetedi.

— Biz muny isteýimiz kerek, óıtkeni bul bizdiń ıadrolyq tejeý quralymyzdyń múmkindiginshe senimdi, qaýipsiz jáne tıimdi bolyp qalýyna kepildik beredi. Olar sondaı-aq kez kelgen áleýetti qarsylasqa biz Alıanstyń barlyq múshelerin kez kelgen qaýipten qorǵaıtynymyz jáne qorǵaı alatynymyz týraly naqty sıgnal beredi, — dep atap ótti Rıýtte.

Buǵan deıin AQSh prezıdenti Donald Tramp Ispanııany NATO-dan shyǵarýdy usynǵan bolatyn.