NATO men Makedonııa alıansqa qosylý týraly hattamaǵa qol qoıdy
BRıÝSSELЬ. QazAqparat - NATO-ǵa múshe memleketterdiń elshileri Makedonııanyń alıansqa qosylýy týraly hattamaǵa qol qoıdy. Saltanatty rásim sársenbi kúni Brıýsseldegi shtab-páterde ótti, dep habarlaıdy «QazAqparat» HAA menshikti tilshisi.
Qujatty barlyq elder ratıfıkatsııalaǵannan keıin, Makedonııa baqylaýshy retinde NATO otyrysyna qatysa alady.
«Bul protsess sátti ótetinine senimdimin», - dedi Alıanstyń bas hatshysy Iens Stoltenberg.
Ratıfıkatsııa bıyl aıaqtalýy múmkin. Makedonııa jeltoqsanda Londonda ótetin alıans sammıtinde resmı túrde NATO-nyń 30-shy múshesi atanady.
Makedonııaǵa eldiń ataýyn Soltústik Makedonııa Respýblıkasy dep ózgertkennen keıin Alıansqa qosylý múmkindigi berildi. Grekııa osy eldiń ataýynda Grekııanyń Makedonııa óńiri qaıtalanǵanyn alǵa tartyp, onyń NATO-ǵa músheligine qarsylyq bildirgen bolatyn.
Grekııa Makedonııanyń NATO-ǵa qosylýy týraly hattamany alǵash bolyp bekitpekshi. Sodan keıin Makedonııa resmı túrde ataýyn Soltústik Makedonııa dep ózgertip, bul týraly BUU-ǵa habarlaıdy.
