NATO Lıvııaǵa qarsy jasalýy yqtımal áskerı operatsııany josparlaýdy aıaqtap keledi
BRıÝSSELЬ. 19 naýryz. QazAqparat /Dımash Syzdyqov/ - NATO Lıvııaǵa qarsy jasalýy yqtımal áskerı operatsııany josparlaýdy aıaqtap keledi. Soltústikatlantıkalyq alıanstyń bas hatshysy Anders Fog Rasmýssen osyndaı málimdeme jasady, dep habarlady NATO-nyń baspasóz qyzmetinen.
Taratylǵan málimdemede atap kórsetilgendeı, NATO, halyqaralyq qoǵamdastyq tarapynan Kaddafı rejımine jasalyp otyrǵan naqty eskertý retindegi BUU Qaýipsizdik keńesiniń Lıvııaǵa qatysty qabyldaǵan qaraýyna qoldaý bildirip otyr.
«Qazirgi tańda NATO da, BUU Qaýipsizdik keńesiniń qararyn qoldaıtyn tıisti sharalardy qabyldaýǵa daıyn bolý úshin, josparlaý jumystaryn aıaqtap keledi. Qajetti halyqaralyq is-qımyldar úshin jedel qajettilik, aımaqtyń tabandy qoldaýy jáne BUU-nyń naqty mandaty kerek», dedi Alıans bas hatshysy.
Esterińizge sala keteıik, BUU Qaýipsizdik keńesi Lıvııanyń ústinde ushýǵa tyıym salynǵan aýmaq qurýdy maquldap, arnaıy qarar qabyldaǵan bolatyn. Qabyldanǵan qararda Lıvııa avıatsııasy úshin eldiń áýe keńistigin jabý, jerústi kúshteriniń qatysýynsyz áskerı operatsııalar jasaý jáne Mýamar Kaddafımen baılanysy bar eldiń ortalyq banki men Lıvııanyń ulttyq munaı kompanııalarynyń esepshottaryn jabý múmkindikteri qarastyrylǵan.
