NATO: Lıvııadaǵy Soltústikatlantıkalyq alıanstyń operatsııasyn toqtatýǵa áli erte
ıÝSSELЬ. 18 qazan. QazAqparat /Dımash Syzdyqov/ - Qazirgi tańda Soltústikatlantıalyq alıanstyń Lıvııadaǵy «Birikken qorǵaýshy» operatsııasyn toqtatý - asyǵys sheshim bolyp tabylady.
Bul týraly Brıýsselde ótken baspasóz máslıhaty barysynda NATO resmı ókiliniń orynbasary Karmen Romero málim etti.
Onyń aıtýynsha, eger NATO-nyń Lıvııadaǵy mıssııany toqtatý sharttaryn alyp qaraıtyn bolsaq, olar týraly sóz qozǵaýǵa áli erterek, sebebi elde áli de qarapaıym halyqqa tónetin qaýip seıilgen joq, al Ótpeli ulttyq keńes qazirgi tańda lıvııalyqtardyń qaýipsizdigin ózdigimen qamtamasyz ete alatyn halde emes.
«Operatsııany toqtatý týraly sheshim óte muqııat túrde jáne jan-jaqty saıası ári áskerı saraptama negizinde NATO qabyldaıtyn saıası sheshim bolyp tabylady. NATO kez kelgen sheshimdi BUU men Ótpeli ulttyq keńespen úılestire otyryp qabyldaıtyn bolady», - dep atap ótti K. Romero.
