NATO KHDR-dyń jeltoqsan aıynda ballıstıkalyq raketany ushyrý nıetine alańdaýly
BRıÝSSELЬ. 6 jeltoqsan. QazAqparat - Soltústikatlantıkalyq keńes Koreı Halyq Demokratııalyq Respýblıkasynyń aǵymdaǵy jyldyń jeltoqsanynda ballıstıkalyq raketany ushyrý nıetine baılanysty alańdaýshylyǵyn bildirdi, bul týraly NATO-nyń baspasóz qyzmetinen habarlady.
NATO Keńesiniń paıymynsha, ballıstıkalyq zymyrannyń ushyrylýy BUU Qaýipsizdik keńesiniń 1718 jáne 1874 qararlaryn buzý bolyp tabylady, sondaı-aq óńirdegi ahýaldyń shıelenisýine jáne Koreı túbegindegi odan arǵy turaqsyzdyqqa alyp keledi.
«Biz Soltústik Koreı bıligin halyqaralyq quqyq sheńberindegi ózderiniń mindetterin oryndaýǵa jáne BUU Qaýipsizdik keńesimen bildirilgen halyqaralyq qaýymdastyqtyń qalaýyn tolyǵymen oryndaýǵa, sondaı-aq raketanyń ushyrylaýyna maratorıı qoıýǵa shaqyramyz», - delingen NATO-nyń taratqan habarlamasynda.
