NATO Kabýlǵa Aýǵanstandaǵy qaýipsizdikti qamtamasyz etýdi resmı túrde berdi
ASTANA. 19 maýsym. QazAqparat - NATO-nyń koalıtsııa áskeri búkil Aýǵanstandaǵy qaýipsizdikti baqylaýdy qamtamasyz etýdi jergilikti kúsh qurylymdaryna resmı túrde berdi, dep habarlady Bı-Bı-Sı.
Aýǵanstan prezıdenti Hamıd Karzaı arnaıy saltanatta úkimet 11 provıntsııadaǵy sońǵy 95 aýdanda qaýipsizdikti qamtamasyz etýge baqylaýǵa ıe bolǵanyn habarlady. Ol jáne NATO bas hatshysy Anders Fog Rasmýssen 2011 jyly jazda bastalǵan bul úderistiń aıaqtalýyn tarıhı oqıǵa dep atady.
Atap aıtqanda, «Talıban» qozǵalysy dúnıege kelgen Qandaǵar provıntsııasynda 13 aýdan, sondaı-aq sodyrlar belsendi áreket etetin Pákistanmen shekaralas Nangarhar, Host jáne Paktıka provıntsııalaryndaǵy 12 aýdan jergilikti qaýipsizdik qyzmetterine berildi.
Aýǵanstandaǵy qaýipsizdikti shamamen 350 myń adam qamtamasyz etetin bolady. Sońǵy jyldary jergilikti quqyq qorǵaý organdary qyzmetkerleriniń sany myqtap ósti, 2007 jyly olardyń sany nebári 40 myńǵa jýyq bolatyn
ISAF Qaýipsizdikke járdemdesý halyqaralyq kúshterinde qazir 97 myńǵa tarta áskerıler bar, olardyń 68 myńy - AQSh áskerleri. Sońǵy kezderi olardyń qatary edáýir azaıdy. 2011 jyly 140 myńǵa jýyq adam, sonyń ishinde AQSh-tyń 101 myń áskerı qyzmetshileri bolǵan edi.
2014 jyly ISAF áskerıleri Aýǵanstannan shyǵarylýy tıis. Elde jergilikti qaýipsizdik kúshterin oqytatyn jáne olarǵa keńes beretin shaǵyn ǵana sheteldik kontıngent qalmaqshy. Naqty sany ázirge anyqtalǵan joq.
Aýǵanstannyń úkimettik kúshteri 1989 jyly KSRO áskerleri elden shyǵarylǵannan keıin alǵash ret búkil el aýmaǵynda qaýipsizdikti qamtamasyz etýge baqylaýdy óz qolyna alyp otyr.
