NATO elderiniń SІM basshylary Kıevtegi sherýshilerge qarsy kúsh qoldanǵan bılikti synǵa aldy

ASTANA. 4 jeltoqsan. QazAqparat - NATO elderiniń syrtqy ister mınıstrleri Kıevtegi sherýshilerge qarsy shekten tys kúsh qoldanýdy synǵa aldy, dep habarlady RBK.

Brıýsseldegi kezdesýde olar birlesip sheshim qabyldady, onda olar Kıevti oppozıtsııaǵa qarsy ustamdy bolýǵa shaqyrdy, dep habarlaıdy Bı-Bı-Sı. Osyǵan deıin AQSh-tyń memlekettik hatshysy Djon Kerrı Ýkraına bıligin «halyqtyń sózine qulaq asýǵa» shaqyrdy.

Ýkraınanyń premer-mınıstri Nıkolaı Azarov 2013 jyldyń 3 qarashasynda parlamentte sherý aktsııasyna qatysýshylarǵa qarsy polıtsııa kúshin qoldanǵany úshin keshirim surady. Dál sol kúni Ýkraınanyń oppozıtsııasy daýystyń jetpeýine baılanysty parlament arqyly bılikti otstavkaǵa ketire almady.