NATO elderi SІM basshylary KHDR bıligin odan ári arandatýshylyq áreketterden bas tartýǵa shaqyrdy
BRıÝSSELЬ. 23 sáýir. QazAqparat - NATO-nyń 28 múshe-memleketteriniń syrtqy ister mınıstrleri KHDR bıligin odan ári arandatýshylyq áreketterden bas tartýǵa shaqyrdy. Bul týraly Brıýsselde bas qosqan NATO qatysýshy-elderi SІM basshylarynyń málimdemesinde áńgime boldy.
NATO múshe-memleketteri syrtqy ister mınıstrleri KHDR-dyń zymyrandyq jáne ıadrolyq baǵdarlamasyn damytýyna baılanysty aıyptady. «Soltústik Koreıanyń arandatýshylyq áreketteri BUU Qaýipsizdik Keńesiniń qararyn tikeleı buzyp otyr jáne aımaqtyq turaqtylyqqa eleýli qaýip týǵyzýda, bul Koreı túbegindegi uzaqqa sozylǵan beıbitshilik keleshegine soqqy bolyp tabylady jáne halyqaralyq beıbitshilik pen qaýipsizdikke qater tóndiredi», - delingen NATO elderi SІM basshylarynyń málimdemesinde.
Mınıstrler Soltústik Koreıanyń osy jylǵy 12 aqpandaǵy ıadrolyq synaqtaryna jaýap retinde BUU Qaýipsizdik Keńesi maquldaǵan 2094-qarardy qoldady.
Sonymen birge, málimdemede NATO-nyń baıandy beıbitshilikti jáne Koreı túbegin ıadrolyq qarýdan azat aımaqqa aınaldyrýdy jaqtaıtyny atap kórsetilgen, sondaı-aq Soltúctik Koreıa bıligin odan ári arandatýshylyq áreketterden bas tartýǵa shaqyrǵan.
Eske sala keteıik, Koreı túbeginde osy jylǵy aqpanda KHDR ıadrolyq qarýdy synaǵannan keıin jaǵdaı shıelenisip ketti. Budan buryn 2012 jylǵy jeltoqsanda Soltústik Koreıa ǵaryshqa zymyran tasyǵysh pen spýtnıkti oıdaǵydaı ushyrǵan bolatyn. Osydan keıin Ońtústik Koreıa áskerı jattyǵýlardy, sonyń ishinde AQSh-tyń qatysýymen belsendi ótkize bastady. Óz kezeginde AQSh pen BUU KHDR-ǵa qarsy jańa ekonomıkalyq sanktsııalar engizdi. Naýryzdyń basynda Soltústik Koreıa AQSh pen Ońtústik Koreıanyń birlesken jattyǵýlaryna qarsylyq retinde Ońtústik Koreıamen shabyl jasamaý jáne ıadrolyq qarýdan azat aımaq qurý jónindegi barlyq kelisimderden bas tartty.
