NATO DAISh-pen kúres boıynsha halyqaralyq koalıtsııaǵa qosyldy

ASTANA. QazAqparat - NATO «Islam memleketi» (Qazaqstanda tyıym salynǵan) lańkestik tobymen kúres boıynsha halyqaralyq koalıtsııaǵa qosyldy. Bul jaıly NATO-nyń bas hatshysy Iens Stoltenberg Brıýsseldegi alıansqa múshe-elder sammıtinde baıandady, dedi NATO-nyń resmı ókili Oana Lýgenský Twitter agenttigine bergen málimdemesinde.

Stoltenberg koalıtsııaǵa qosylý NATO-nyń jaýyngerlik áreketterge qatysýyn bildirmeıtindigin aıtyp ótti. Sondaı-aq, Alıans basshysy NATO-nyń koalıtsııa múmkindigin kúsheıtýge atsalysatyndyǵyn da tilge tıek etti.

Brıýsseldegi sammıt barysynda alıanstyń shtab-páterinde aqparat almasý boıynsha lańkestikke qarsy ortalyq ashý jóninde sheshim qabyldandy. NATO janyndaǵy Reseıdiń turaqty ókili Aleksandr Grýshko alıanstyń koalıtsııaǵa birigýinen eshteńe ónbeıtindigin aıtyp ótti.

«Meniń pikirimshe, bul jasalǵan qadamnyń beretini shamaly, óıtkeni, alıansqa múshe elderdiń barlyǵy osy koalıtsııanyń da músheleri», - dedi Grýshko.

Irak jáne Sırııadaǵy lańkestermen kúres jónindegi halyqaralyq koalıtsııaǵa 68 memleket kiredi. Ol 2014 jyldyń tamyz aıynda qurylǵan. Koalıtsııanyń basynda AQSh tur.