NATO basshylyǵy Brıýsselde Lıvııa oppozıtsııasymen kezdesti
BRıÝSSELЬ. 13 shilde. QazAqparat /Dımash Syzdyqov/ - Búgin Brıýsseldegi NATO shtab-páterinde NATO-nyń Bas hatshysy Anders Fog Rasmýssen keńestiń atqarýshy komıtetiniń jetekshisi Mahmýd Djıbrıl bastaǵan Lıvııa oppozıtsııalyq Ótpeli ulttyq keńesiniń delegatsııasymen kezdesý ótkizdi,
dep habarlaıdy NATO-nyń baspasóz qyzmeti.
Kezdesý qorytyndysy boıynsha A.Rasmýssenniń habarlaǵanyndaı, NATO-nyń odaqtastary men áriptesteri Lıvııa oppozıtsııasynyń ókilderin «Birikken qorǵaýshy» áskerı operatsııasynyń barysy týraly habardar etti. Óz kezeginde Lıvııa oppozıtsııalyq Ótpeli ulttyq keńesiniń músheleri Alıansqa mıssııanyń gýmanıtarlyq quramdasy úshin alǵysyn aıtyp, demokratııa, zańnyń ústemdik qurýy men adam quqyqtarynyń qurmettelýine negizdeletin óz eliniń bolashaǵy týraly oılarymen bólisti.
«Biz úsh másele boıynsha kelistik. Birinshiden, NATO-nyń azamattardy qorǵaý jónindegi operatsııasy jalǵasyn tabýy kerek. M.Kaddafı kúshi áli kúnge deıin kúnásiz adamdardyń ómirine qaýip tóndirýde. Osy qaýip seıilmeıinshe biz kúresetin bolamyz. Ekinshiden, M.Kaddafı rejımi saılanbaly ókimet ókilettiligin joǵaltty. Úshinshiden, shıelenistiń lıvııalyqtar bastaǵan jáne halyqaralyq qoǵamdystyqtyń qoldaýymen saıası sheshimi qabyldanýy kerek. Sheshim shyǵaratyn kez keldi», - dedi NATO-nyń Bas hatshysy.
