NATO bas hatshysy Vashıngtonda aldaǵy 2012 jylǵy Alıans sammıtiniń kún tártibin talqylady
BRıÝSSELЬ. 8 qarasha. QazAqparat /Dımash Syzdyqov/ - NATO bas hatshysy Anders Fog Rasmýssen Vashıngtonda bolyp, aldaǵy 2012 jyly Chıkagoda ótkiziletin Soltústikatlantıka alıansy sammıtiniń kún tártibin talqylady, dep habarlady NATO baspasóz qyzmeti.
NATO basshysy AQSh prezıdenti Barak Obamamen, Memlekettik hatshy Hılları Klıntonmen, qorǵanys mınıstri Leon Panettamen, AQSh prezıdentiniń ulttyq qaýipsizdik jónindegi keńesshisi Tom Donılmen, sonymen qatar AQSh parlamenti senatynyń múshelerimen kezdesip, Chıkagoda ótkiziletin Alıans sammıtiniń kún tártibindegi máselelerdi talqyǵa saldy.
A.Rasmýssen atap ótkendeı, Aýǵanstan problemasy aldaǵy kezdesýlerde basty taqyrypqa arqaý bolady. «Aýǵandyq kúshter qaýipsizdigi úshin jaýapkershiliktiń aýysýy jalǵasýda. Chıkagoda ótkiziletin sammıt kezinde biz Aýǵanstandy ótpeli kezeńde jáne odan keıin de qalaı qoldap otyratynymyzdy sheshýimiz qajet», - dedi NATO basshysy.
